ໜ້າທີ່ ແລະ ຂອບເຂດສິດ ຂອງໜ່ວຍງານ ນໍ້າ,ອຸຕຸນິຍົມ ແລະ ສິ່ງແວດລ້ອມ

1. ປະຕິບັດລັດຖະທໍາມະນູນ, ກົດໝາຍ, ດໍາລັດ, ຂໍ້ຕົກລົງ, ຄໍາສັ່ງ, ແຈ້ງການ ແລະ ຄໍາແນະນໍາ ກ່ຽວກັບວຽກງານຄຸ້ມຄອງຊັບພະຍາກອນທໍາມະຊາດ ແລະ ສິ່ງແວດລ້ອມ ຂອງຂັ້ນເທິງວາງອອກ;

2. ໂຄສະນາ, ເຜີຍແຜ່ ແລະ ຈັດຕັ້ງປະຕິບັດນະໂຍບາຍ, ນິຕິກໍາ, ແຜນການ, ແຜນງານ, ໂຄງການກ່ຽວກັບ ວຽກງານຄຸ້ມຄອງສິ່ງແວດລ້ອມ, ການປ້ອງກັນໄພພິບັດທາງທໍາມະຊາດ ແລະ ການປ່ຽນແປງດິນຟ້າອາກາດ;

3. ຜັນຂະຫຍາຍແຜນການ, ແຜນງານ, ໂຄງການຂອງຫ້ອງການໃຫ້ເປັນໜ້າວຽກອັນລະອຽດຂອງວຽກງານຕົນ ພ້ອມທັງຮັບຜິດຊອບໃນການຈັດຕັ້ງປະຕິບັດ ໃຫ້ໄດ້ຮັບປະສິດທິຜົນສູງ;

4. ສ້າງແຜນການເຄື່ອນໄຫວວຽກງານ, ແຜນງົບປະມານຂອງວຽກງານຕົນ ເພື່ອສະເໜີເຂົ້າແຜນລວຂອງຫ້ອງການ;

5. ທົບທວນ ແລະ ນໍາສະເໜີການນໍາເມືອງ ເພື່ອພິຈາລະນາຮັບຮອງເອົາແຜນການຄຸ້ມຄອງສິ່ງແວດລ້ອມ ສໍາລັບທຸລະກິດແບບຄອບຄົວໃນເມືອງຂອງຕົນ ພ້ອມທັງເປັນເຈົ້າການຕິດຕາມສິ່ງແວດລ້ອມຂອງທຸລະກິດດັ່ງກ່າວ;

6. ເຂົ້າຮ່ວມທົບທວນ ແລະ ພິຈາລະນາ ຮັບຮອງເອົາບົດລາຍງານການສຶກສາໃນເບື້ອງຕົ້ນ ກ່ຽວກັບຜົນກະທົບສິ່ງແວດລ້ອມ ແລະ ບົດລາຍງານການປະເມີນຜົນກະທົບສິ່ງແວດລ້ອມສັງຄົມ ແລະ ທໍາມະຊາດ ຂອງໂຄງການ   ລົງທຶນ ໃນຂອບເຂດເມືອງຂອງຕົນ ພ້ອມທັງເຂົ້າຮ່ວມຕິດຕາມ ກວດກາ ການປະຕິບັດມາດຕະການແກ້ໄຂ ແລະ ຫຼຸດຜ່ອນຜົນກະທົບສິ່ງແວດລ້ອມຂອງໂຄງການລົງທຶນນັ້ນ

7. ສໍາຫຼວດ ແລະ ເກັບກໍາຂໍ້ມູນ ກ່ຽວກັບມົນລະພິດ; ວາງແຜນ, ປ້ອງກັນ, ສະກັດກັ້ນ ແລະ ແກ້ໄຂເຫດສຸກເສີນ ທີ່ມີຜົນກະທົບຕໍ່ສິ່ງແວດລ້ອມສັງຄົມ ແລະ ທໍາມະຊາດ ໃນຂອບເຂດເມືອງຂອງຕົນ;

8. ຄົ້ນຄວ້າ ແລະ ປະກອບຄໍາເຫັນໃສ່ຮ່າງແຜນການຄຸ້ມຄອງ ແລະ ຕິດຕາມ ກວດກາຊັບພະຍາກອນທໍາມະຊາດ ແລະ ສິ່ງແວດລ້ອມ ຂອງບັນດາໂຄງການພັດທະນາ ແລະ ກິດຈະການຕ່າງໆ ທີ່ດໍາເນີນການໃນຂອບເຂດທ້ອງຖິ່ນ ຕົນຮັບຜິດຊອບ;

9. ເຂົ້າຮ່ວມປ້ອງກັນ, ຄວບຄຸມ ແລະ ຕິດຕາມກວດກາມົນລະພິດທາງອາກາດ, ນໍ້າ, ດິນ,ແສງສີ, ສຽງ ແລະ ກິ່ນ ຈາກແຫຼ່ງປ່ອຍນໍ້າເປື້ອນ ແລະ ແຫຼ່ງປ່ອຍທົ່ວໄປ;

10. ຄຸ້ມຄອງສານເຄມີທີ່ເປັນພິດ, ວັດຖຸອັນຕະລາຍ, ສິ່ງເສດເຫຼືອອັນຕະລາຍ ແລະ ສິ່ງເສດເຫຼືອອື່ນໆ ໃນຂອບ ເຂດຂອງເມືອງຕົນ;

11. ສໍາຫຼວດ, ກໍານົດສ້າງສະໜາມກໍາຈັດຂີ້ເຫຍື່ອຂອງເມືອງ ໂດຍປະສານສົມທົບກັບຂະແໜງການກ່ຽວຂ້ອງຂັ້ນທ້ອງຖິ່ນ;

12. ເກັບກໍາສັງລວມ, ຄຸ້ມຄອງ, ເຜີຍແຜ່ ແລະ ພັດທະນາລະບົບຖານຂໍ້ມູນ-ຂ່າວສານສິ່ງແວດລ້ອມ ໃນຂອບເຂດຄວາມຮັບຜິດຊອບຂອງຫ້ອງການຕົນ ໂດຍປະສານສົມທົບກັບພາກສ່ວນທີ່ກ່ຽວຂ້ອງ  ທັງຂັ້ນ  ສູນກາງ ແລະ ທ້ອງຖິ່ນ;

13. ຄຸ້ມຄອງ, ສົ່ງເສີມ ແລະ ສ້າງຈິດສໍານຶກໃນການປົກປັກຮັກສາສິ່ງແວດລ້ອມ, ການສ້າງຕົວເມືອງ  ແລະ ຊົນນະບົດຍືນຍົງດ້ານສິ່ງແວດລ້ອມ ລວມທັງຮ່ວມມືກັບພາຍໃນ ແລະ ສາກົນ ເພື່ອສະໜັບ ສະໜູນການ ພັດທະນາເສດຖະກິດ-ສັງຄົມ ຕາມທິດທີ່ມີຄຸນນະພາບ, ສົມດູນ, ຕໍ່ເນື່ອງ, ຍືນຍົງ ແລະ  ເປັນສີຂຽວ ພາຍໃນເມືອງ ຂອງຕົນ

14. ເຂົ້າຮ່ວມຕິດຕາມ ກວດກາ ມົນລະພິດທຸກປະເພດ ຈາກໂຄງການລົງທຶນ ແລະ ກິດຈະການຕ່າງໆ ເພື່ອແກ້ໄຂບັນຫາຮ່ວມກັບຂະແໜງສາຍຕັ້ງຢູ່ເມືອງຂອງຕົນ

15. ຕິດຕາມ ກວດກາ ຜູ້ປະກອບການ ລວມທັງຂະແໜງການລັດທີ່ກ່ຽວຂ້ອງ ຈັດຕັ້ງປະຕິບັດພັນທະ ແລະ ແຜນ ຄຸ້ມຄອງສິ່ງແວດລ້ອມ ພາຍໃນເມືອງຂອງຕົນ;

16. ຕິດຕາມ ກວດກາ ແລະ ຄຸ້ມຄອງການນໍາໃຊ້ຊັບພະຍາກອນທໍາມະຊາດ ຂອງຜູ້ປະກອບການ ແລະຂະແໜງການລັດທີ່ກ່ຽວຂ້ອງ ຊຶ່ງປະກອບມີທັງ ທີ່ດິນ, ປ່າໄມ້, ຊີວະນາໆ ພັນ, ນໍ້າ, ແຮ່ທາດ ໃນຂອບເຂດທ້ອງຖິ່ນ  ຕົນຮັບຜິດຊອບ;

17. ຄົ້ນຄວ້າ ແລະ ນໍາສະເໜີຂັ້ນເທິງ ແຕ່ງຕັ້ງຄະນະສະເພາະກິດແກ້ໄຂບັນຫາສິ່ງແວດລ້ອມ ໃນກໍລະນີເກີດ ເຫດສຸກເສີນດ້ານສິ່ງແວດລ້ອມ ໃນຂອບເຂດເມືອງຕົນ;

18. ເຜີຍແຜ່ ຂໍ້ມູນ-ຂ່າວສານ ກ່ຽວກັບການຄຸ້ມຄອງ-ບໍລິຫານ ຊັບພະຍາກອນທໍາມະຊາດ ແລະ  ສິ່ງແວດລ້ອມ ໃນຂອບເຂດເມືອງຂອງຕົນ;

19. ເຜີຍແຜ່, ໂຄສະນາ, ປະຊາສໍາພັນ, ກວດກາ, ຄົ້ນຄວ້າ ແລະ ແກ້ໄຂຂໍ້ຂັດແຍ່ງທາງບໍລິຫານ ທີ່ພົວພັນເຖິງການຄຸ້ມຄອງ-ບໍລິຫານຊັບພະຍາກອນທໍາມະຊາດ ແລະ ສິ່ງແວດລ້ອມ ຕາມຂອບເຂດຄວາມຮັບຜິດຊອບຂອງຕົນ;

20. ເຂົ້າຮ່ວມຈັດຕັ້ງປະຕິບັດຍຸດທະສາດການປ່ຽນແປງດິນຟ້າອາກາດ, ຍຸດທະສາດການຫຼຸດຜ່ອນຄວາມສ່ຽງທາງໄພພິບັດ, ແຜນດໍາເນີນງານການປ່ຽນແປງດິນຟ້າອາກາດ, ແຜນງານແຫ່ງຊາດໃນການປັບຕົວເຂົ້າກັບການ  ປ່ຽນແປງດິນຟ້າອາກາດ, ຂະບວນການສົ່ງເສີມໂຄງການຫຼຸດຜ່ອນການປ່ອຍທາດອາຍພິດເຮືອນແກ້ວ ໃນທ້ອງຖິ່ນ  ຂອງຕົນ;

21. ປະສານສົມທົບກັບພາກສ່ວນທີ່ກ່ຽວຂ້ອງ ໃນການເຊື່ອມສານວຽກງານຫຼຸດຜ່ອນຄວາມສ່ຽງໄພພິບັດ,ວຽກ ງານສ້າງຄວາມເຂັ້ມແຂງ ແລະ ຄວາມສາມາດປັບຕົວເຂົ້າກັບການປ່ຽນແປງດິນຟ້າອາກາດ ເຂົ້າໃນແຜນພັດທະນາ  ເສດຖະກິດ-ສັງຄົມຂອງເມືອງ ແລະ ຂະແໜງການອື່ນ ໃນຂອບເຂດເມືອງຂອງຕົນ

22. ສຳຫຼວດ, ກໍານົດພື້ນທີ່ ແລະ ສ້າງແຜນທີ່ຄວາມສ່ຽງດ້ານໄພພິບັດ ແລະ ການປ່ຽນແປງດິນຟ້າອາກາດ ໃນ ຂອບເຂດເມືອງຂອງຕົນ;

23. ເກັບກໍາສັງລວມ, ຄຸ້ມຄອງ, ເຜີຍແຜ່ ແລະ ນໍາໃຊ້ລະບົບຂໍ້ມູນ-ຂ່າວສານ ກ່ຽວກັບສິ່ງແວດລ້ອມໄພພິບັດ ແລະ ການປ່ຽນແປງດິນຟ້າອາກາດ ໃນຂອບເຂດຂອງຫ້ອງການຕົນ ໂດຍປະສານສົມທົບກັບ ພາກສ່ວນທີ່ກ່ຽວຂ້ອງ ທັງຂັ້ນສູນກາງ ແລະ ທ້ອງຖິ່ນ;

24. ສະຫຼຸບລາຍງານຂໍ້ມູນ ໄພພິບັດທາງທໍາມະຊາດ ແລະ ແຜ່ນດິນໄຫວ ເປັນແຕ່ລະໄລຍະ;

25. ຕິດຕາມ ແລະ ປະເມີນຜົນ ໃນການປະຕິບັດສິດ, ໜ້າທີ່ ແລະ ຄວາມຮັບຜິດຊອບ ຂອງພະນັກງານ-ລັດ ຖະກອນ ເພື່ອສະກັດກັນປະກົດການລະເມີດ ມະຕິ, ຄໍາສັ່ງ, ກົດໝາຍ ແລະ ລະບຽບການຕ່າງໆຂອງລັດ;

26. ຄຸ້ມຄອງ, ບໍລິຫານ ຊັບສິນ ແລະ ເອກະສານຂອງໜ່ວຍງານຕົນ; 

27. ສະຫຼຸບ-ສັງລວມ ແລະ ລາຍງານການເຄື່ອນໄຫວວຽກງານຂອງຕົ້ນຕໍ່ຫົວໜ້າໜ່ວຍງານ ແລະ ຫ້ອງການ ເປັນ ແຕ່ລະໄລຍະ;

28. ກວດກາ, ຄົ້ນຄວ້າ ແລະ ແກ້ໄຂຂໍ້ຂັດແຍ່ງທາງບໍລິຫານ ທີ່ພົວພັນເຖິງການຄຸ້ມຄອງ-ບໍລິຫານຈັດການຊັບພະຍາກອນນໍ້າ ຕາມຂອບເຂດຄວາມຮັບຜິດຊອບຂອງຕົນ;

29. ເຜີຍແຜ່ຂໍ້ມູນ-ຂ່າວສານ ກ່ຽວກັບຊັບພະຍາກອນນໍ້າ, ອຸຕຸນິຍົມ ແລະ ອຸທົກກະສາດ, ການພະຍາກອນ ອາກາດ, ລະດັບນໍ້າ, ແຜ່ນດິນໄຫວ, ແຈ້ງເຕືອນໄພລ່ວງໜ້າ ທາງວິທະຍຸກະຈາຍສຽງ, ໂທລະພາບ ແລະ ການ ສື່ສານອື່ນທີ່ເໝາະສົມ ໃຫ້ຫ້ອງວ່າການເມືອງ ແລະ ບັນດາຫ້ອງການອ້ອມຂ້າງເມືອງຢ່າງທັນການ;

30. ປະສານງານ ແລະ ເຂົ້າຮ່ວມກັບພາກສ່ວນກ່ຽວຂ້ອງ ທັງສູນກາງ ແລະ ທ້ອງຖິ່ນ ໃນການຄຸ້ມຄອງຊັບພະ ຍາກອນນໍ້າ ໃນຂອບເຂດເມືອງຂອງຕົນ

31. ເກັບກໍາສັງລວມ, ຄຸ້ມຄອງພັດທະນາລະບົບຖານຂໍ້ມູນ-ຂ່າວສານ ທາງດ້ານຊັບພະຍາກອນນໍ້າ, ອຸຕຸນິຍົມ ແລະ ອຸທົກກະສາດ ໃນຂອບເຂດຄວາມຮັບຜິດຊອບຂອງຕົນ ໂດຍສົມທົບກັບພາກສ່ວນກ່ຽວຂ້ອງ ຢູ່ໃນທ້ອງຖິ່ນຕົນ;

32. ສ້າງແຜນຄຸ້ມຄອງຊັບພະຍາກອນນໍ້າ ແລະ ບົດລາຍງານສະພາບລວມອ່າງຮັບນໍ້າຂະໜາດນ້ອຍ,ທີ່ຢູ່ໃນຂອບ ເຂດເມືອງຕົນ;

33. ຄົ້ນຄວ້າກໍານົດເຂດສະຫງວນນໍ້າ, ຊັບພະຍາກອນນໍ້າຂອງບ້ານ, ລະດັບເມືອງ ຮ່ວມກັບແຂວງ ເພື່ອຂຶ້ນບັນຊີນໍ້າ ແລະ ຊັບພະຍາກອນນໍ້າ ໃນຂອບເຂດຄວາມຮັບຜິດຊອບຂອງເມືອງ;

34. ເຂົ້າຮ່ວມການສໍາຫຼວດເຂດສະຫງວນນໍ້າ, ຂຶ້ນບັນຊີນໍ້າ, ກໍານົດເຂດຍອດນໍ້າ, ໜອງບຶງ, ດິນທາມ, ດິນບໍລິເວນນໍ້າ ແລະ ຊັບພະຍາກອນນໍ້າ ລະດັບແຂວງ ໃນຂອບເຂດຄວາມຮັບຜິດຊອບ  ຂອງເມືອງຕົນ;

35. ຄົ້ນຄວ້າ, ນໍາສະເໜີອອກໃບອະນຸຍາດ ນໍາໃຊ້ນໍ້າໄຕ້ດິນຂະໜາດນ້ອຍ, ຂະໜາດກາງ, ອອກໃບຢັ້ງຢືນ ທາງດ້ານວິຊາການ ກ່ຽວກັບການບໍລິການຂຸດເຈາະນໍ້າໄຕ້ດິນຂະໜາດນ້ອຍ ແລະ ຂະໜາດກາງ ໃນຂອບ ເຂດ ເມືອງຂອງຕົນ;

36. ຄົ້ນຄວ້າ, ນໍາສະເໜີອອກໃບອະນຸຍາດການຂຸດເຈາະ ຫຼື ຊີເຈາະນໍ້າໄຕ້ດິນຂະໜາດນ້ອຍ ແລະ ຂະໜາດກາງ ທີ່ມີຄວາມສ່ຽງຕໍ່ຄຸນນະພາບ ແລະ ປະລິມານນໍ້າໄຕ້ດິນ;

37. ເກັບຄ່າທໍານຽມ, ຄ່າບໍລິການ, ກ່ຽວກັບການນໍາໃຊ້ນໍ້າ, ຊັບພະຍາກອນນໍ້າ ໃນຂອບເຂດຄວາມຮັບຜິດ ຊອບຂອງຕົນ;

38. ເຂົ້າຮ່ວມຕິດຕາມ, ກວດກາ ຄຸນນະພາບນໍ້າ ຕາມຈຸດຕິດຕາມຄຸນນະພາບນໍ້າຂອງແຂວງ ແລະ ບັນດາຫົວ

ໜ່ວຍທຸລະກິດທີ່ດໍາທຸລະກິດຕິດພັນກັບການນໍາໃຊ້ນໍ້າ ໃນຂອບເຂດຄວາມຮັບຜິດຊອບຂອງເມືອງຕົນ;

39. ເຂົ້າຮ່ວມໃນການສ້າງແຜນການ, ແຜນງານ, ໂຄງການ, ກິດຈະກໍາລະອຽດ ໃນການຈັດຕັ້ງປະຕິບັດໃນໄລຍະສັ້ນ, ໄລຍະກາງ ແລະ ໄລຍະຍາວ ກ່ຽວກັບການຄຸ້ມຄອງອະນຸລັກ, ຟື້ນຟູ, ນໍາໃຊ້ນໍ້າ ພັດທະນາຊັບພະຍາກອນແຫຼ່ງນໍ້າ, ອ່າງຮັບນໍ້າຂະໜາດນ້ອຍ ແລະ ຂະໜາດກາງ ທີ່ຢູ່ໃນຄວາມຮັບຜິດຊອບຕົນ;

40. ເຂົ້າຮ່ວມຕິດຕາມ, ກວດກາ ແລະ ປະເມີນຜົນຂອງການຈັດຕັ້ງປະຕິບັດວຽກງານຄຸ້ມຄອງ, ອະນຸລັກ, ຟື້ນ ຟູ,ນໍາໃຊ້ ແລະ ໂຄງການພັດທະນາຕ່າງໆ ທີ່ກ່ຽວຂ້ອງກັບການນໍາໃຊ້ຊັບພະຍາກອນນໍ້າ ຢູ່ໃນທ້ອງຖິ່ນຕົນ;

41. ຕິດຕາມ, ສັງເກດ, ວັດແທກ, ລາຍງານຂໍ້ມູນອຸຕຸນິຍົມ, ລະດັບນໍ້າຝົນ, ໄພພິບັດທາງທໍາມະຊາດ, ແຜ່ນ ດິນໄຫວ, ອຸຕຸກະເສດ, ອຸຕຸການບິນ ໃຫ້ແກ່ອົງການປົກຄອງເມືອງ;

42. ເຂົ້າຮ່ວມການສໍາຫຼວດ, ເກັບກໍາຂໍ້ມູນ ໃນການສ້າງຈຸດເຕືອນໄພນໍ້າຖ້ວມ, ແຫ້ງແລ້ງ ການຂຶ້ນລົງຂອງ ສາຍນໍ້າ ທີ່ຢູ່ພາຍໃນຂອບເຂດຄວາມຮັບຜິດຊອບຂອງເມືອງຕົນ;

43. ສ້າງຄວາມເຂັ້ມແຂງ ຍົກລະດັບຄວາມສາມາດ, ໃນການນໍາໃຊ້ຕາໜ່າງສະຖານີອຸຕຸການບິນ ແລະ ການບໍລິການແກ່ວຽກງານຄົມມະນາຄົມທາງອາກາດ, ປັບປຸງສະຖານີອຸຕຸກະເສດ ເພື່ອຮັບປະກັນ ແຜນງານຄໍ້າປະກັນສະບຽງອາຫານ ແລະ ຜະລິດສິນຄ້າ ພາຍໃນຂອບເຂດເມືອງຂອງຕົນ;

44. ສັງລວມ, ກວດກາ, ຄຸ້ມຄອງຖານຂໍ້ມູນອຸຕຸນິຍົມ ເພື່ອວິໄຈ ແລະ ບໍລິການໃຫ້ຜູ້ຊົມໃຊ້;

45. ສ້າງແຜນການເຄື່ອນໄຫວວຽກງານ, ແຜນງົບປະມານຂອງວຽກງານຕົນ ເພື່ອສະເໜີເຂົ້າແຜນລວມຂອງຫ້ອງການ;

46. ຕິດຕາມ ແລະ ປະເມີນຜົນ ໃນການປະຕິບັດສິດ, ໜ້າທີ່ ແລະ ຄວາມຮັບຜິດຊອບ ຂອງພະນັກງານ-ລັດຖະກອນ ເພື່ອສະກັດກັນປະກົດການລະເມີດ ມະຕິ, ຄໍາສັ່ງ, ກົດໝາຍ ແລະ ລະບຽບການຕ່າງໆຂອງລັດ;

47. ຄຸ້ມຄອງ, ບໍລິຫານ ຊັບສິນ ແລະ ເອກະສານຂອງໜ່ວຍງານຕົນ;

48. ສະຫຼຸບ-ສັງລວມ ແລະ ລາຍງານການເຄື່ອນໄຫວວຽກງານຂອງຕົນ ຕໍ່ຫົວໜ້າໜ່ວຍງານ ແລະ ຫ້ອງການ ເປັນແຕ່ລະໄລຍະ;